මෙරට පැරා තරු අද ලෝක ශූරතා තරගාවලියේ තරග බිමට

පැරා ලෝක ශූරතා මලල ක්‍රීඩා තරගාවලිය අද එංගලන්තයේ ලන්ඩන් හීදී ආරම්භ වේ.

මීට ශ්‍රී ලංකාව නියෝජනය කරමින් ක්‍රීඩකයන් දෙදෙනෙකු හා ක්‍රීඩිකාවක සහභාගීවන අතර ඔවුන් අද තරග බිමට පිවිසෙනු ඇත.

අමරා ඉන්දුමතී ක්‍රීඩිකාව ටී. 46/47 කාණ්ඩයෙන් මීටර් 200 හා මීටර් 400 ඉසව් සඳහා සහභාගීවන අතර, පැරාලිම්පික් පදක්කම් ලාභී දිනේෂ් ප්‍රියන්ත එෆ්. 46/47 කාණ්ඩයෙන් හෙල්ල විසිකිරීමේ ඉසව්වට සහභාගීවීමට නියමිතවේ.

මෙරට වේලාවෙන් හෙට අළුයම 1.50 ට පමණ හෙල්ල විසිකිරීමේ අවසන් තරගය ආරම්භ වීමට නියමිතය.

මෙම ඉසව්වෙන් ශ්‍රී ලංකා කණ්ඩායම පදක්කමක් බලාපොරොත්තු තබා සිටියි.

මීට අමතරව අද අමරා ඉන්දුමතී, මීටර් 200 මූලික වටයේ ඉසව්වට සහභාගීවීමට නියමිතය.

ඇයගේ තරගය ආරම්භ වීමට නියමිත වන්නේ, මෙරට වේලාවෙන් හෙට අළුයම 2.50 ට පමණය.

මීට අමතරව අනිල් ජයලත් ටී. T42 කාණ්ඩයෙන් මීටර් 200 හා දුර පැනීමේ ඉසව් සඳහා සහභාගීවීමට නියමිතවේ.

ඔහු හෙට මීටර් 200 අවසන් තරගයට සහභාගීවීමට නියමිතය.

 

Read Full: මෙරට පැරා තරු අද ලෝක ශූරතා තරගාවලියේ තරග බිමට



Source: athletics

Leave a Reply

Your email address will not be published. Required fields are marked *