ශ්‍රී ලංකා ජාතික ක්‍රිකට් කණ්ඩායම් වල නායකත්වයේ වෙනස්කම් සිදුවීමට නියමිත බවට ක්‍රිකට් ආරංචිමාර්ග වාර්තා කොට ඇත. ඒ අනුව ටෙස්ට්, එක්දින හා විස්සයි විස්ස කණ්ඩායම් සියල්ලෙහිම නායකත්වය හා උපනායකත්වය වෙනස් වීමට නියමිතය.
ශ්‍රී ලංකා ටෙස්ට් කණ්ඩායමේ නායකත්වය ධනංජය සිල්වාට හිමි වීමට නියමිත බවට වාර්තා වී ඇත. ටෙස්ට් කණ්ඩායමේ උපනායකත්වය කුසල් මෙන්ඩිස්ට හිමිවීමට නියමිතය.
ශ්‍රී ලංකා එක්දින කණ්ඩායම් නායකත්වය ලෝක කුසලාන තරගාවලියේ දී කණ්ඩායම මෙහෙයවූ කුසල් මෙන්ඩිස්ට ද උපනායකත්වය චරිත් අසලංකටද හිමිවීමට නියමිත ය.
තවද ශ්‍රී ලංකා විස්සයි විස්ස කණ්ඩායම් නායකත්වය වනිදු හසරංගට හිමි වීමට නියමිත බවත් උපනායකත්වය චරිත් අසලංකට හිමි වීමට නියමිත බවත් තොරතුරු වාර්තා වී ඇත.
