එළැඹෙන ජුනි 8වෙනිදා තායිලන්තයේ බැංකොක් නුවරදී පැවැත්වෙන FIFA ජාත්‍යන්තර මිත්‍රශීලී තරඟ මාලාව යටතේ ජාත්‍යන්තර මිත්‍රශීලී තරඟයකදී ශ්‍රී ලංකා කාන්තා පාපන්දු කණ්ඩායම භූතානයට එරෙහිව තරඟ කිරීමට නියමිතයි.

මෙම තරඟය SAFF ශූරතා චක්‍රය ඇතුළුව ඉදිරි කලාපීය තරඟ සඳහා ශ්‍රී ලංකාව සූදානම් වීමේ කොටසක් ලෙස පැවැත්වෙන අතර ශ්‍රී ලංකාව අවසන් වරට ජාත්‍යන්තර තරගයකට සහභාගී වූයේ මාර්තු මාසයේදීය.

2027 AFC ආසියානු කුසලාන සුදුසුකම් ලැබීමේ D කාණ්ඩයේ තරගයක් ලෙස පැවති එම තරගයෙන් චීන තායිපේ කණ්ඩායමට එරෙහිව 3-1 ක ජයග්‍රහණයක් ලබා ගැනීමට ශ්‍රී ලංකා කණ්ඩායම සමත් වුණා.

ශ්‍රී ලංකාව සහ භූතානය කිහිප වතාවක් එකිනෙකා මුණගැසී ඇති අතර, ජාතික සංචිතය තරඟයට දින කිහිපයකට පෙර තායිලන්තයට යාමට අපේක්ෂාවෙන් සිටී.